Деку Дро Фернандеснинг ПСЖга кетишини танқид қилди
“Барселона” спорт директори Деку ёш ҳужумкор ярим ҳимоячи Дро Фернандеснинг ПСЖга кўчиб ўтиши бўйича фикр билдирди. Бу ҳақда euro-football.ru хабар беради.
18 ёшли футболчи яқинда Париж клуби билан 2030 йилгача мўлжалланган шартнома имзолади. Француз гранди “кўк-анорранглилар” академияси тарбияланувчиси учун 8 млн евро дан ортиқ маблағ тўлагани айтиламоқда.
Декунинг таъкидлашича, у ўзи “Барселона”да ўйнаётган ёш футболчи бўлганида, жамоани тарк этмасди. “Бироқ ҳар ким қарорни ўзи қабул қилади. Ҳамманинг хабари бор: ташқи таъсир қиладиган омиллар ҳам бўлади. Бу ота-онаси билан боғлиқми-йўқми, билмайман, лекин бу унинг масаласи — гап пулда эмас. Умид қиламанки, Дро ўз ривожланишидан мамнун. Баъзан футболчилар нотўғри муҳитга тушиб қолади”, — деди Деку.
Дро Фернандес “Барселона”нинг асосий жамоасида жами беш учрашувда майдонга тушишга улгурган.