Денис Макаров Туркияга қандай йўл олганини айтиб берди
Ҳужумчи Денис Макаров Туркиянинг “Кайсериспор” клубига қандай келиб қолганини тушунтириб берди. Бу ҳақда euro-football.ru хабар беради.
Футболчининг сўзларига кўра, у қишки йиғинлар бошланишидан олдинёқ чамадонини тайёрлаб қўйган, чунки тез орада бошқа жамоага кетишини сезган.
“Йиғинга бордим, орадан икки кун ўтиб агентим Алексей қўнғироқ қилди ва: ‘Туркиядан вариант бор. Хоҳлайсанми?’ деди. Мен дарров рози бўлдим: янги чемпионат, янги ҳиссиётлар”, — дея Макаровнинг фикрларини “Чемпионат” келтиради.
Макаров таъкидлашича, “Кайсериспор”нинг мураббийи ва спорт директори билан бўлган суҳбатдан кейин томонлар ҳамкорлик бўйича умумий келишувга келган ва масала тезда ҳал бўлган.
27 ёшли, аввал “Динамо”да тўп сурган вингер турк клубига ярим йиллик шартнома имзолади, битимда узайтириш банди кўзда тутилмаган.