«Интер» Франк Кессини А Серияга қайтаришни кўзламоқда
Саудия Арабистонининг «Ал-Аҳли» клуби ярим ҳимоячиси Франк Кесси Италия А Сериясига қайтиши мумкин. 29 ёшли кот-д’ивуарлик футболчи Милан «Интер»ининг қизиқиш доирасига тушди. Бу ҳақда euro-football.ru хабар беради.
Журналистлар Маттео Моретто ва Фабритсио Романо хабарига кўра, «нерадзуррилар» мавсум якунida эҳтимолий трансфер бўйича музокара ўтказиш учун яқин кунларда Кессининг вакиллари билан учрашув ташкил этишни режалаштирмоқда. Футболчининг амалдаги шартномаси яна ярим йил ичида тугайди, шу боис у эркин агент сифатида бозорга чиқиши мумкин.
Қайд этилишича, яқинда Франк Кессининг агентлари А Сериянинг яна бир гранди — «Ювентус» вакиллари билан ҳам учрашган. Собиқ «Милан» юлдузининг кейинги қадами ҳозирча номаълум. Transfermarkt портали Кессининг бозор қийматини 12 млн евога баҳоламоқда.