Джикиянинг агенти ҳимоячининг келажаги ҳақида гапирди
«Анталяспор» ҳимоячиси Георгий Джикия атрофидаги гап-сўзларга унинг агенти Владимир Кузьмичёв муносабат билдирди. Вакил футболчининг яқин келажаги борасида клуб ичида вазият барқарор эканини таъкидлади. Бу ҳақда euro-football.ru хабар беради.
Кузьмичёвнинг айтишича, Джикия жамоа режасида бор ва мураббийлар штаби унга ишонмоқда. Сўнгги ўйинларда у майдонга тушмаганининг сабаби микрожароҳат бўлгани, ҳозир эса тўлиқ тиклангани қайд этилди. Агент фикрича, ҳимоячи кейинги учрашувдаёқ ўйнаши мумкин.
Аввалроқ турк матбуотида «Анталяспор» собиқ «Спартак» сардори билан хайрлашмоқчи экани ҳақида хабарлар тарқалган эди.
Джикиянинг Туркия чемпионатининг жорий мавсумида ҳисобида 12 та ўйин бор, у икки марта рақиб дарвозасини ишғол қилган. Футболчининг «Анталяспор» билан амалдаги шартномаси 2027 йил ўрталаригача мўлжалланган.