Гранит Жака АПЛ ўйинида мухлис билан тортишиб қолди
Шанба куни АПЛнинг эрта учрашувида «Вест Ҳем» ва «Сандерленд» майдонга тушди. «Молотобойчилар» биринчи бўлимда жуда фаол ўйнаб, танаффусгача учта гол урди. Иккинчи таймда «қора мушуклар» фақат бир бор жавоб қайтарди — ўйин 3:1 ҳисобида якунланди. Бу ҳақда euro-football.ru хабар беради.
Учрашув сўнгги дақиқаларида ўйин бир муддат тўхтаб қолди: «Сандерленд» захира ўриндиғи атрофидаги вакиллар орқа трибунадаги мухлислар билан жанжаллашиб кетди. Видеолавҳаларга кўра, баҳсда энг фаол кўринганлардан бири Гранит Жака бўлди. Ярим ҳимоячи жароҳати сабаб рўйхатга киритилмаганига қарамай, жамоа билан бирга стадионда эди.
Финал ҳуштаги чалинганидан кейин ҳам Жака трибуна томонга ниманидир қичқириб, ҳатто мухлисни яқинроқ келишга чорлагандек кўринди. Энди вазият интизомий қўмита томонидан кўриб чиқилиши мумкин, бироқ кўп нарса ҳакам баённомада нималарни қайд этганига боғлиқ бўлади.