Флик Чехиядаги икки гол сабабини совуқ билан боғлади
«Барселона» бош мураббийи Ханс-Дитер Флик Чехиядаги сафар учрашувидан кейин матбуот анжуманида жамоа стандарт вазиятлар устида ишлай олдими, деган саволга жавоб берди. Ҳафта ўртасида каталонияликлар «Славия»ни 4:2 ҳисобида мағлуб этди, рақибнинг иккала голи ҳам бурчак тўпидан сўнг урилди. Бу ҳақда euro-football.ru хабар беради.
Фликнинг айтишича, Прагадаги ўйин ўзига хос кечган: ҳаво совуқлиги сабаб жамоага мослашиш учун вақт керак бўлган. Мураббий иккинчи ўтказиб юборилган гол эпизодини ҳам изоҳлаб, Левандовскида вазиятга реакция қилишга вақт бўлмаганини таъкидлади. Шунингдек, у жамоасига ишонишини, аввал «Барселона» ҳимояда яхши ҳаракат қилганини ва клуб тарихан бўйчан футболчилар кўп бўлмагани боис бундай вазиятларда тўғри бошқарув муҳимлигини қўшимча қилди.
Якшанба куни «Барселона» ўз майдонида «Реал Овьедо»га қарши баҳс ўтказади.