Жикия агенти ҳимоячининг «Антальяспор»даги келажагини изоҳлади
«Антальяспор» ҳимоячиси Георгий Жикиянинг агенти Владимир Кузьмичёв футболчининг жамоада қолиш-қолмаслиги борасидаги гап-сўзларга муносабат билдирди. Бу ҳақда euro-football.ru хабар беради.
Агентнинг айтишича, Жикиянинг аҳволи яхши ва клуб мураббийлар штаби унга ишонмоқда. Сўнгги учрашувларда майдонга тушмаганига сабаб микрояроқат бўлгани, ҳозир эса тикланиб улгургани қайд этилди. Кузьмичёв фикрича, ҳимоячи кейинги ўйинда яна таркибда пайдо бўлиши мумкин.
Эслатиб ўтамиз, аввалроқ ОАВда турк клуби «Спартак»нинг собиқ сардори билан хайрлашишни кўриб чиқаётгани ҳақида хабарлар тарқалган эди.
Жикия жорий мавсум Туркия чемпионатида 12 та учрашувда қатнашиб, 2 та гол муаллифи бўлди. Унинг «Антальяспор» билан амалдаги шартномаси 2027 йил ўрталаригача мўлжалланган.