Давид Трезеге Буэнос-Айресда «Ривер Плейт»га раҳбар бўлиб қайтди
Туриннинг «Ювентус» клуби ҳамда Франция терма жамоасининг собиқ ҳужумчиси Давид Трезеге Аргентинага қайтди. У аввалроқ Буэнос-Айресдаги «Ривер Плейт» сафида ҳам тўп сурган ва жамоа билан мамлакатнинг иккинчи лигасида чемпионликни ҳам қўлга киритган. Бу ҳақда euro-football.ru хабар беради.
Эндиликда Трезеге клубда раҳбарият таркибига қўшилади. Унинг аниқ лавозими очиқланмаган бўлса-да, «Ривер Плейт» уни бутун раҳбарият иштирокидаги тақдимот маросими орқали таништирди.
Тадбирда Трезеге клубнинг стратегик масалалари билан шуғулланиши ва «Ривер Плейт»ни институционал даражада вакиллик қилиши маълум қилинди. Эслатиб ўтамиз, француз футболчи 2015 йилда профессионал фаолиятини якунлаган.