"Зверополис 2" 1,7 миллиард доллар йиғиб, Голливуд тарихидаги энг юқори даромад келтирган мультфильмга айланди
Диснейнинг "Зверополис 2" мультфильми жаҳон прокатида 1,7 миллиард доллар йиғиб, янги касса ютуғига эришди. Бу сумма уни Голливуд тарихидаги энг муваффақиятли анимацион фильмга айлантирди, чунки у аввалги рекордчи - "Бошқотирма 2"ни (1,69 миллиард доллар) ортда қолдирди. Бироқ мутлақ жаҳон рекордини ҳамон Хитойнинг "Нечжа 2" мультфильми (2,25 млрд доллар) ушлаб турибди. Бу ҳақда Variety хабар бермоқда.
Бундай даромадлар билан "Зверополис 2" барча даврларнинг энг кўп даромад келтирган фильмлари рўйхатида тўққизинчи ўринни эгаллади.
Ноябр ойида намойиш этилган картина биринчи кунларданоқ рекордларни янгилади: унинг беш кун ичида 559,5 миллион доллар билан бошланиши анимация тарихидаги энг яхшиси бўлди. Умуман олганда, мультфильм Шимолий Америкада $390 млн, хорижда эса $1,31 млрд йиғди. Айниқса, "Зверополис 2" Хитойда илиқ кутиб олинди, у ерда унинг даромадлари 619 миллион долларни ташкил этди. Тасма, шунингдек, Дисней тарихидаги энг юқори даромад келтирувчи бўлди.
"Зверополис"нинг давоми сифатида қуён Жуди Хоппс ва тулки Ник Уайлд Зверополисдаги ҳаётни абадий ўзгартириши мумкин бўлган судралиб юрувчилар сирини очиш учун бирлашади.
Айни пайтда Хитойда ёшлар "Зверополис 2" фильмидаги Гари илонидан илҳомланиб, судралиб юрувчиларни сотиб олишни бошладилар.