Мостовой «Барселона» ва «Реал» ўйинидан ҳайратда қолди
Испаниянинг «Селта» клубида тўп сурган собиқ футболчи Александр Мостовой Испания Суперкубоги финалида «Барселона» ҳамда «Реал» ўртасидаги баҳс ҳақида фикр билдирди. Бу ҳақда euro-football.ru хабар беради.
Учрашув 11-январ куни бўлиб ўтди ва унда каталонияликлар 3:2 ҳисобида ғалаба қозонди.
Мостовойнинг айтишича, ўйин жуда юқори савияда ўтган. У учрашув олдидан «Барселона»га кичик устунлик берганини таъкидлади — 55 га 45. Шунингдек, кўпчилик нега каталонияликларни ҳаддан ташқари яққол фаворит қилганини тушунмаганини, аммо ўйин ўзида «телба таассурот» қолдирганини айтди.
Қайд этиш жоиз, бу ғалаба «Барселона» учун Суперкубокдаги 16-титул бўлди. «Реал» ҳисобида эса 13 та шундай соврин бор.