Бавария Олисени 100 миллион евродан арзон сотмайди

Бавария клуби вингери Майкл Олисе йирик Европа клубларининг жиддий қизиқишини уйғотмоқда. Журналист Экрем Конурнинг хабар беришича, Ливерпул Олисени Мохамед Салаҳнинг узоқ муддатли ўринбосари сифатида кўрмоқда.

Шунингдек, Манчестер Сити, Челси ва ПСЖ клублари ҳам франциялик футболчини диққат билан кузатмоқда. Аммо Бавария Олисе бўйича 100-120 миллион евродан кам бўлган таклифларни кўриб чиқишни истамайди.

Жорий мавсумда 23 ёшли Олисе барча мусобақалар доирасида 17 ўйинда майдонга тушиб, 7 та гол урди ва 7 та голли узатмани амалга оширди. Олисениг Бавария билан амалдаги шартномаси 2029 йилнинг ўрталаригача амал қилади.