Мичиганда Хеллоуин байрамида теракт режаси фош этилди
АҚШ ҳуқуқ-тартибот идоралари Мичиган штатида ўтган Хеллоуин байрами вақтида амалга оширилиши режалаштирилган терактнинг олдини олди.
NBC News хабарига кўра, мазкур иш бўйича икки нафар шахс — Муҳаммад Али ва Мажид Маҳмуд — террорчилик жиноятини содир этишга тайёргарликда айбланмоқда.
Маълум қилинишича, улар террор мақсадларида фойдаланилиши мумкин бўлган қурол ва ўқ-дориларни қабул қилиш ҳамда тарқатишга уринишда гумонланмоқда.
Аввалроқ ФБР директори Кэш Патель Хеллоуин байрамида ҳужум уюштириш режаси билан боғлиқ беш нафар шахснинг ҳибсга олинганини маълум қилган эди. Бироқ улардан фақат иккитаси — Али ва Маҳмудга расман айблов қўйилди.
Мазкур ҳолат АҚШда хавфсизлик чораларини янада кучайтириш заруратини кўрсатмоқда.