Окслейд-Чемберлейн "Арсенал"да машғулот ўтказмоқда
32 ёшли ярим ҳимоячи Алекс Окслейд-Чемберлейн ҳозирда ўзининг собиқ клуби, Лондоннинг "Арсенал" жамоаси тизимида машғулот ўтказмоқда. Бу ҳақда Sky Sports хабар берди.
Футболчи асосан клубнинг 21 ёшгача бўлган жамоаси билан бирга шуғулланмоқда. Эслатиб ўтамиз, Окслейд-Чемберлейн ўтган ёзда Истанбулнинг "Бешиктош" жамоасини тарк этган ва ҳозирда эркин агент ҳисобланади.
У футболчилик фаолиятини якунлагани ҳақида эълон қилмаган. Окслейд-Чемберлейн "Саутгемптон" академияси тарбияланувчиси бўлиб, 2011-йилдан 2017-йилгача "Арсенал" сафида ўйнаган.
"Канонирлар" сафида у барча мусобақаларда 130 дан ортиқ ўйин ўтказган. 2017-йилдан 2023-йилгача "Ливерпул"да, 2023-йилдан 2025-йилгача эса "Бешиктош"да фаолият юритган.