Франк: «Тоттенхэмнинг бу антирекорди мени ҳайратга солди»
Тоттенхэм бош мураббийи Томас Франк АПЛ доирасида Челси билан кечган ўйинда (0:1) жамоасининг ҳужумдаги заиф ўйинидан ҳафсаласи пир бўлганини билдирди. «Шпорлар» бутун ўйин давомида Челси дарвозасига атиги уч марта зарба йўллашга муваффақ бўлди.
Жамоанинг умумий xG кўрсаткичи эса бор-йўғи 0,05ни ташкил этди. Бу Тоттенхэм тарихидаги АПЛ бўйича энг паст кўрсаткич сифатида қайд этилди.
«Бу, албатта, жуда ёқимсиз ҳолат. Авваллари менинг жамоаларим ҳеч қачон бундай кам гол уриш имкониятларини яратмаган.
Вазиятни яхшилаш учун қўлимдан келганини қиламан», – деди Франк ўйиндан кейин берган интервьюсида. Челси сафидаги ягона голни эса Жоау Педро 34-дақиқада киритди.