«Челси» қизил карточкалар бўйича етакчи

Лондоннинг «Челси» клуби Англия чемпионатида барча мусобақаларни ҳисобга олган ҳолда қизил карточкалар бўйича катта фарқ билан етакчига айланди. Бу ҳақда Transfermarkt портали маълумотларига асосланиб хабар берилган.

Жорий мавсумда «Челси» жами 14 та ўйинда 5 та қизил карточка олган – улардан 3 таси чемпионатда, қолган 2 таси бошқа мусобақаларда. Энг сўнгги ҳолат Лига Кубогининг 1/8 финалида «Вулверхемптон»га қарши ўйинда (4:3) рўй берди.

Унда Лиам Делапнинг майдондан четлатилиши бош мураббий Энцо Маресканинг норозилигига сабаб бўлди. Таққослаш учун, «Ливерпул» жорий мавсумда атиги 2 та қизил карточка олган бўлса, яна 8 та клуб («Борнмут», «Манчестер Юнайтед», «Сандерленд», «Вест Хем», «Бёрнли», «Вулверхемптон», «Астон Вилла» ва «Ньюкасл») атиги биттадан қизил карточка билан чекланган.