Чиройли рақам 800 млн сўмга сотилди
Mobilraqam.uzex.uz савдо платформасида Ўзбекистонда «чиройли» мобил рақам сотилди. Бу ҳақда Kursiv Uzbekistan хабар берди.
Жорий йилнинг тўққиз ойи давомида ушбу платформада 7,4 минг дона мобил ва қисқа рақамлар савдоси амалга оширилган. Mobilraqam.uzex.uz платформасидаги савдо ҳажми ўтган йилнинг шу даврига нисбатан 47 фоизга ошган.
Умуман олганда, UZEX савдо платформаларидаги битимлар ҳажми ўтган йилнинг шу даврига нисбатан 30,3 фоизга ўсди. Биржа савдолари 30,2 фоизга, электрон давлат харидлари эса 31,2 фоизга ошган.