«Югуриб келаётган пичоқ бўйлаб» сериали 2026 йилда старт олади
Бу ҳақда Deadline ва бошқа Голливуд нашрлари ёзмоқда. Аввал бошда «Югуриб келаётган пичоқ бўйлаб 2099» сериали 2025 йилда намойиш этилиши кутилганди, аммо унинг премьераси 2022–23 йиллардаги сценаристлар иш ташлаши сабабли кўчирилди.
Шоуда асосий ролларни Мишель Йео («Ҳамма жойда ва бир вақтнинг ўзида») ва Хантер Шафер («Эйфория») ижро этишади — сериал суратга олиш ишлари аллақачон якунланган, ҳозирда эса лойиҳа постпродакшн босқичида.
Маълум қилинишича, эстетик жиҳатдан «Югуриб келаётган пичоқ бўйлаб 2099» сериали Ридли Скоттнинг асл фильмига яқинроқ бўлади.