Пасифик-Палисейдсда яшовчи киши бино харобалари устида Eugene Garcia / AP / Scanpix / LETA Калифорния штатининг Лос-Анжелес округида давом этаётган ўрмон ёнғинлари туфайли камида беш киши ҳалок бўлган. Бу ҳақда Лос-Анжелес ўт ўчириш хизмати бошлиғи Энтони Марронга асосланиб ABC News 9 январ куни хабар берган.
Ўт ўчириш хизмати баҳоларига кўра, Пасифик-Палисейдснинг ўзида (Ҳолливуднинг машҳур шахсларидан кўпчилигининг уйлари жойлашган нуфузли ҳудуд) мингдан ортиқ бино ёниб кетган. Итон-Канйонда ҳам тахминан шунча уй вайрон бўлган ёки жиддий шикастланган. Қурбонларнинг барчаси мазкур ҳудуддан топилган.
Los Angeles Times хабарига кўра, 8 январ куни ёнғин Ҳолливуднинг машҳур белгиси жойлашган тепаликка етиб келган. Олов Ҳолливуд булвари ва «Шон-шараф хиёбони» яқинида ҳам тарқалган, деб хабар бермоқда Hollywood Reporter. Маҳаллий аҳоли вакилларидан бири ҳудуддаги вазиятни «хаотик» деб атаган. «Йўллар ўт ўчирувчилар ва полициячилар автомобиллари, шунингдек, кетишга уринаётган кишиларнинг машиналари билан тўлган», — деган у CNN мухбирига.
ABC News ёзишича, Лос-Анжелесда ўрмон ёнғинларининг олтита ўчоғи аниқланган ва шундан фақат биттасида вазият назоратга олинган. CNN хабарида бешта ёнғин ўчоғи ҳақида гап боради, биттаси фақат 40 фоизга локаллаштирилган. Жами 130 минг киши яшайдиган ҳудудларда эвакуация амалга ошириш буйруғи берилган, ўн минглаб кишилар аллақачон хавфсиз жойларга кўчирилган ёки уйларини мустақил равишда тарк этган.
Кучли шамол ва қуруқ об-ҳаво ёнғинга қарши курашишни қийинлаштирмоқда. Барча ёнғинларнинг жами майдони 100 километр квадратдан ошади.
Алтадена ҳудудида ёнғин оқибатлари Scott Mc Kiernan / ZUMA Press Wire / Scanpix / LETA
Пасифик-Палисейдс ҳудуди. Фото: Agustin Paullier / AFP / Scanpix / LETA Малибуда ёнғин оқибатида америкалик актриса Пэрис Ҳилтоннинг уйи ёниб кетган. «Оилам билан ўтириб, янгиликларда Малибудаги уйимиз таг-туби билан ёниб кетганини жонли кузатдик — бу мен ҳеч кимга раво кўрмайдиган ҳодиса», — деган актриса инстаграмдаги саҳифасида.
Хабарларга кўра, ёнғинда Малибудаги бир вақтлар Леонардо ди Каприога тегишли бўлган уй ҳам вайрон бўлди. Тинч океани соҳилидаги автомагистралда жойлашган уй 2021 йилда 10 миллион долларга сотилганди, унга қадар ди Каприо йигирма йилдан ортиқ вақт давомида ушбу уйга эгалик қилган.
Ёнғин кечаётган Тинч океани соҳилидаги Малибу шаҳри ва Палисейдс ҳудудида кўплаб машҳурларнинг уйлари бор. Ёнғин оқибатида бу ҳудудларда бутун бошли мавзеларнинг кули кўкка совурилган.
TMZ ва Page Six таблоидлари маълумотига кўра, Энтони Ҳопкинс, Том Ҳэнкс, Бен Аффлек, Майлс Теллер, Менди Мур, Адам Броди, Спенсер Братт, Жон Гудмен, Билл Кристал ва Юджин Леви каби актёрларнинг уйлари ҳам аланга ичида қолган. Актёрларнинг ўзи ҳозирча буни тасдиқламаган.
Sky News хабар беришича, ёнғин тарқалган ҳудудларда Мэтт Деймон, Стивен Спилберг, Dr. Dre, Адам Сендлер, Бэйонсе, Jay-Z, Ким Кардашян, Леди Гага ва Билли Айлиш каби машҳурларнинг қароргоҳлари бор. Ўрмон ёнғинлари сабабли эвакуация қилинганлар орасида Марк Ҳэмилл, Жеймс Вудс каби актёрлар ҳам борлиги хабар қилинган.
АҚШ президенти Жо Байден Калифорниядаги ёнғинлар туфайли Рим ва Ватиканга режалаштирилган ташрифини бекор қилди. У губернатор Гэвин Нюсомнинг сўровини қаноатлантириб, йирик табиий офат ҳақида эълон қилди. Бундай чора Лос-Анжелес округида жабрланганларни федерал миқёсда молиялаштириш имконини беради.
«Ёрдам вақтинчалик уй-жой ва уйларни таъмирлаш учун грантлар, суғурталанмаган мулк йўқотишларини қоплаш учун арзон кредитлар ҳамда жисмоний шахсларга ва бизнес эгаларига табиий офат оқибатларидан халос бўлишда ёрдам берадиган бошқа дастурларни ўз ичига олиши мумкин», — дейилади Байден маъмурияти баёнотида.
Лос-Анжелесда ёниб кетган уй Mike Blake / Reuters / Scanpix / LETA
Лос-Анжелесда ёниб кетган уй Mike Blake / Reuters / Scanpix / LETA «Палисейдс ёнғини» (The Palisades Fire) АҚШ тарихидаги энг «қимматга тушган» офат бўлиши мумкин. Етказилган зарар миқдори аллақачон 57 миллиард доллардан ошиб кетган ва рақамлар ортиб бораверади.
Ёнғинлар туфайли Америка киноакадемияси «Оскар» учун номзодларни эълон қилиш маросимини 17 январдан 19 январга кўчирган. «Биз Жанубий Калифорниядаги вайронкор ёнғинлардан жабрланганларга чуқур ҳамдардлигимизни изҳор этамиз. Академиямизнинг кўплаб аъзолари ва соҳадаги ҳамкасбларимиз Лос-Анжелес ҳудудида истиқомат қилади ва ишлайди, биз ҳақингизда қайғурамиз», — дейилган академия директори Билл Крамернинг мактубида. Ёнғинлар муносабати билан Америка киностудиялари Лос-Анжелес атрофида сериал ва филмлар ишлашни тўхтатган. Булар орасида «Эҳтирос анатомияси», Fallout, «Эбботт бошланғич мактаби» ва бошқа сериаллар бор.
Пасифик-Палисейдс ҳудуди эвакуация ва ёнғиндан кейин «арвоҳ шаҳар»га ўхшаб қолган, дейди CNN мухбири Ли Уолдман. У мисол сифатида бир неча соат олдинроқ бутун турган, аммо кўп ўтмай фақат харобалари қолган маҳаллий санъат галереяси тасвирларини келтирган.
Лос-Анжелес округи прокурори Натан Ҳокман талончилик ва ёнғиндан жабрланганларга ҳужум қилиш ҳолатлари учраётганини маълум қилган. У «бошқаларнинг дарди ва изтиробидан фойдаланиб қолишга уринган кимсаларнинг ҳеч бири жазосиз қолмаслиги»дан огоҳлантирган. Округ шерифи Роберт Лунига кўра, икки киши талончилик қилгани учун ҳибсга олинган.
Частные объявления в Вашем городе, в Вашем регионе и в России
Smi24.net — ежеминутные новости с ежедневным архивом. Только у нас — все главные новости дня без политической цензуры. "123 Новости" — абсолютно все точки зрения, трезвая аналитика, цивилизованные споры и обсуждения без взаимных обвинений и оскорблений. Помните, что не у всех точка зрения совпадает с Вашей. Уважайте мнение других, даже если Вы отстаиваете свой взгляд и свою позицию. Smi24.net — облегчённая версия старейшего обозревателя новостей 123ru.net. Мы не навязываем Вам своё видение, мы даём Вам срез событий дня без цензуры и без купюр. Новости, какие они есть —онлайн с поминутным архивом по всем городам и регионам России, Украины, Белоруссии и Абхазии. Smi24.net — живые новости в живом эфире! Быстрый поиск от Smi24.net — это не только возможность первым узнать, но и преимущество сообщить срочные новости мгновенно на любом языке мира и быть услышанным тут же. В любую минуту Вы можете добавить свою новость - здесь.
