"Реал Мадрид" ёш истиқболли ва арзон марказий ҳимоячи қидиришда давом этмоқда. Уларнинг радаридаги асосий футболчи Франциянинг "Ланс" клуби аъзоси Абдуқодир Ҳусанов ҳисобланади.
Эндигина 20 ёшга тўлган фулбек, Ўзбекистон терма жамоаси учун 18 та ўйин ўтказган ва Лига 1 нинг кашфиётларидан бирига айланди. "Ланс" уни 2023 йилнинг ёзида Беларуснинг "Энергетик-БГУ" клубидан бор-йўғи 110 минг доллар эвазига сотиб олган эди ва унинг нархи кескин ўсиб кетди.
Абдуқодир Ҳусанов қандай футболчи?Абдуқодир Ҳусанов "Реал" скаутларининг эътиборини тортди, аммо "қироллик клуби" у учун курашда ёлғиз эмас. Абдуқодир айни вақтда Премьер-лига жамоаларининг ҳам "нишони"га айланган. Айни вақтда бир қатор АПЛ грандлари уни ўз сафига қўшиб олиш ниятида, "Манчестер Сити" эса бу курашда ҳозирча пешқадам. Клуб вакиллари ва футболчининг агентлари ўртасида дастлабки алоқа ўрнатилган.
Ўнг оёқли йигит тўп билан ҳаракатлари эмас, балки ҳимоядаги маҳорати билан кўпроқ танилган. "Total Football Analysis" скаутлик ҳисоботида таъкидланганидек, ўзбекистонлик футболчи у қадар тез эмас, лекин ўзининг позициясини ёпиши, ўйинни ўқиши бунинг ўрнини босади.
