Ёш қиличбозларимиз Колумбияда ўтган сабля бўйича ёшлар ўртасидаги Жаҳон кубоги босқичини юқори нотада якунлашди. Қувонарлиси, жамоавий дастурда ҳам ҳамюртларимиз муваффақиятли иштирок этиб, олтин медалларга эгалик қилдилар.
Қизларимиз финалда мексикалик тенгқурларини 45:20, йигитларимиз эса мезбонларни 45:28 ҳисобларида мағлубиятга учратишди. Шу тариқа, яккалик баҳслари билан ҳисоблаганда юртдошларимиз ушбу мусобақани 3 та олтин, 1 та кумуш ва 2 та бронза медаллари билан якунлашди.
