Бразилия Россиянинг самолётига ёнилғи қуйишдан бош тортди

^{Фото: Getty Images}
Россия ташқи ишлар вазири G20 саммитидан сўнг Бразилия президенти билан учрашиш учун Рио-де-Жанейрога учиши керак эди. Бразилиялик ёнилғи оператори АҚШ санкциялари остида қолишдан қўрқиб, Лавров самолётига ёнилғи қуйишдан бош тортди. Бу ҳақда Aero Telegraph хабар берди.

Хабарга кўра, Лавров Лула да Сильва билан учрашувга Ил-96 самолётида учиши керак эди. Бразилия томони Лавров самолётига ёнилғи қуйишдан бош тортгач, Лавровни Бразилия ташқи ишлар вазири Мауро Виэйра самолётида “саёҳатдош” сифатида учишни таклиф қилган. Сергей Лавров да Сильва билан суҳбатдан сўнг Россияга тегишли самолётни бошқа жойда ёнилғи билан тўлдиришга келишиб олдилар.

Кейинроқ Россия ТИВ расмий вакили Мария Захарова вазирнинг самолёти парвозга тайёрлигини айтди. “Самолётга ёнилғи қуйилди, Бразилия логистика билан таъминлади”, — қўшимча қилган у.

Лавров журналистларга Бразилияда Ғарбга тегишли бўлмаган самолётларга ёнилғи қуядиган компаниялар деярли йўқлигини, Бразилия бу масалани ҳал қилиш учун ҳаракат қилганини айтган.