Фото: ReutersҚозоғистонда 36 йиллик ҳарорат рекорди янгиланди. Бу ҳақда Tengrinews
хабар берди.
“Қазгидромет”нинг таъкидлашича, қишнинг иккинчи ойи илиқ ва ёғингарчилик билан кечди. Илиқ қорли кунлар ўрнини совуқ кунлар эгаллади. Январь ойининг боши анча илиқ бўлди. Ўртача ҳаво ҳарорати аномалияси меъёрдан 1-13 даража юқори бўлган.
“
Юқори аномалиялар фонида ҳарорат рекордлари қайд этилди: 1 январь куни Манғистов вилоятидаги Оққудуқ метеорология станциясида ҳаво ҳарорати кун давомида 11,1 даража илиққача кўтарилди, бу ўша кун учун рекорд бўлди. Аввалги рекорд 2003 йилда 8,9 даража илиқ эди.
8 январь куни Ақтаудаги станцияда ҳаво ҳарорати кундузи 11,1 даража илиқни ташкил этиб, 1988 йилдаги рекордни (4,7 даража илиқ), 10 январь куни Семейдаги станцияда 6,3 даража илиқ кузатилиб, 1988 йил рекордини янгилади.
Павлодар об-ҳаво станциясида максимал ҳаво ҳарорати 3,1 даражага кўтарилиб, 2018 йил рекорди ўрнини эгаллади, Балхаш станциясида эса кундузи ҳаво 7,1 даража илиқ бўлиб, 1988 йилдаги рекордни (1,2 даража илиқ) янгилади”, — дея хабар берди синоптиклар.
Қозоғистон жанубида деярли баҳорги об-ҳаво кузатилди. Масалан, Олмаота шаҳрида 11 январда ҳавонинг максимал ҳарорати 11,3 илиқни ташкил этиб, 2001 йил рекордини (10,9 даража илиқ) янгилаган.
Маълумот ўрнида, декабрь ойида аномал илиқ ҳаво туфайли Остона ва Павлодарда 62 йиллик рекорд янгиланган эди.
