Қўшма Штатларда Ўзбекистон фуқароси 5 минг доллар туфайли ҳамюртини отиб ташлади. Бу ҳақда Fox 35 нашри хабар қилди.
Ҳодиса 16 январь куни Флорида штатининг Осеола округида содир бўлган. 41 ёшли гумонланувчи Ғ. Ж. АҚШга ишчи визаси билан келгани, қурбон Б. Н. нинг эса виза муддати 2022 йил мартида тугагани айтилмоқда.
Воқеа жойига етиб борган ҳуқуқ-тартиботчилар у ердан қон изи бўлган гильза топганлар. Терговчилар Б. Н. га қарата ўқ узилишига 5 минг доллар устида бўлган жанжал сабаб бўлганини айтишмоқда.
Қайд этилишича, икки ўзбекистонлик орасидаги даҳанаки жанг муштлашувга айланиб кетган – қурбон гумонланувчига мушт билан зарба берган. Шундан сўнг гумонланувчи машинаси ёнига бориб, у ердан тўппончани олиб, юртдошини отиб ташлаган.
Аниқланишича, ҳодиса ортидан Ғ. Ж. Б. Н. ни касалхонага етказган, ўқ еган ўзбекистонлик олинган жароҳат туфайли ўша ерда жон берган.
