Фото: ТСН Россия ташқи ишлар вазирлиги расмий вакили Мария Захарова НАТОга аъзоликка кираётган Финляндияга кутилмаган совға тайёрланаётганини бугунги брифингда таъкидлади. «Бу сюрприз. Бу бизнинг мудофаа идорамиздан бўлади», — деди дипломат. Жавоб чоралари қўллашда барча омиллар, айниқса, Финляндиянинг Шимолий Атлантика алянсига аъзоликка қабул қилиниш жараёни нечоғлиқ ривожланиши ҳисобга олинади, деди у. «Шулардан келиб чиқиб бир қарорга келинади, бироқ биринчи қарорни ҳарбийлар чиқаради», — деди сўзининг якунида Захарова. Бугун Финляндия ва Швеция НАТОга кириш учун ариза топширганди.
