Футбол бўйича Франция чемпионатининг 34-турида «ПСЖ» 23 апрель, шанба куни «Ланс» билан баҳс юритди. «Парк де Пренс» мезбонлик қилган баҳсда ҳисоб 68-дақиқада Лионель Месси томонидан очилди. Аргентиналик ҳужумчи Неймарнинг узатмасидан кейин супер гол урди. Аммо 88-дақиқада Корантен Жан орадаги фарқни йўққа чиқарди ва жамоасини мағлубиятдан қутқариб қолди. Ушбу ўйинда Маурисио Почеттино шогирдлари учун дуранг натижа ҳам етарли эди. Дурангдан кейин «ПСЖ» муддатидан аввал Франция чемпионлигини қўлга киритди. Парижликлар (78) энг яқин таъқибчиси «Марсель»дан (62) 16 очкога илгарилаб кетган. Бу жамоа учун ўз тарихидаги 10-соврин бўлди. Қайд этиш керак, ўтган мавсумда «Лилл» Лига 1 ғолибига айланганди. «ПСЖ» – «Ланс» 1:1 Голлар: 1:0 – 68 Месси, 1:1 – 88 Жан. «ПСЖ»: Навас, Ҳакими (ди Мария, 76), Рамос, Маркиньос, Кимпембе, Мендеш, Гуйе (Данилу Перейра, 81), Верратти, Месси, Неймар, Мбаппе. «Ланс»: Лека, Клосс (Мачадо, 73), Гради, Данзо, Ву, Франковски (Жан, 82), Фофана, Дукуре, Давид Кошта (Ганаго, 73), Сотока (Саид, 82), Калимуэндо (Айдара, 61). Огоҳлантиришлар: Данзо (9), Рамос (54), Верратти (73), Маркиньос (78), Неймар (90). Четлатиш: Данзо (57). «Лион» – «Монпелье» 5:2 Голлар: 1:0 – 26 Дембеле, 2:0 – 43 Тиаго Мендес, 2:1 – 45 Ваи, 2:2 – 45, пенальти Саванье, 3:2 – 63 Ауар, 4:2 – 68 Токо-Экамби, 5:2 – 90 Ауар. «Сент-Этен» – «Монако» 1:4 Голлар: 0:1 – 23 Бен-Йеддер, 0:2 – 25 Фолланд, 1:2 – 42, пенальти Ҳазри, 1:3 – 61, автогол Колодзейчак, 1:4 – 77 Боадю.
