Ўзбекистон бош вазири Абдулла Арипов 1 апрель куни иш сафари билан Ўшга келди. Уни Ўш аэропортида Қирғизистон Вазирлар кабинети раиси Ақилбек Жапаров кутиб олди.
Икки давлат бош вазирлари Ўшда музокара ўтказади, шунингдек, Ўзбекистон ва Қирғизистон чегарадош вилоятлари ҳокимлари кенгашининг 4-йиғилишида иштирок этади.
Бундан ташқари Абдулла Арипов Боткен вилояти Лайлак тумани Марғун қишлоғида Ўзбекистон томонидан қуриб берилган ўрта мактабнинг очилиш маросимида видеоалоқа режимида иштирок этади.
Ўзбекистон Лайлак туманининг Самарқандек қишлоғида ҳам мактаб қурмоқда. Бир неча йил аввал Ўзбекистон томонидан Ўшда қурилган мактаб иш бошлаган эди.
Айни пайтда Ўшда Ўзбекистон 50 миллион долларлик лойиҳа асосида Бобур номидаги ўзбек академик театрини қайта қурмоқда.