Ҳужумчи Гонсало Игуаин футболчининг ҳаёти ҳақида гапирди. "Одамлар футболчи қандай бўлиши кераклигини билишмайди. Улар шунчаки футбол ўйнаса бўлди деб ўйлашади. Бироқ бизда ҳам қолганлар каби ҳаёт бор, улар каби биз ҳам қайғурамиз. Футболчилик фаолиятини якунлаганимдан кейин футболдан узоқлашаман. Ҳозирча футболчиликдан завқ оламан, аммо кейин бу соҳага яқин ҳам йўламайман. Бу жуда ифлос қатлам. Бу ердагилар оғриқни, хафагарчиликни ўйлашмайди. Аммо ҳамма бу оламда яшашни истайди. Футболчи - бир марта ишлатиладиган шиша идиш каби. Уни ичишади ва отиб юборишади. Шиша унга бошқа керак эмас, ҳатто ўйламайди ҳам. Кейин бориб бошқасини олади. Футболчиликка энди кириб келганлар: "Вау, ажойиб!" дейди. Кейинчалик футболни тушуниб олганидан кейин асабийлашади ва бошқа соҳаларни ўйлашни бошлайди. Асосийси - менинг рафиқам ва қизим бор. Шахсий фаолиятимдан, футболдан олганларимдан мамнунман. Хатто баъзи пайтларда катта товон тўлашга ҳам мажбур бўлганман. Аммо болалигимда бунчалик даражада бўлишини тасаввур ҳам қилолмаганман", - деди футболчи.
