Фарзандни камолга етказиш, тўғри тарбия бериш, ҳар томонлама баркамол қилиш ҳар бир ота-онанинг вазифаси ва бурчидир. Аммо жамиятимизда бу вазифа ва бурчга беписант ва эътиборсиз бўлган ота-оналар ҳам учраб туради. Маъсулият ва бурчни янада ошириш мақсадида Мажбурий ижро бюроси Боғот туман бўлими томонидан ажрашган оилаларни тиклаш, вояга етмаган фарзандларнинг баркамол тарбия топиши, ажрашган оилалар сонининг камайтириш юзасидан бир қатор ишлар амалга оширилиб келинмоқда. Жумладан, фуқаролик ишлари бўйича Боғот туманлараро судининг ижро ҳужжатига асосан қарздор С.Ю.дан ундирувчи С.Д.нинг фойдасига, қарздор Қ.Т.дан ундирувчи Д.М.нинг фойдасига, қарздор М.Ю.дан ундирувчи И.А.нинг фойдасига, қарздор Ш.И.дан ундирувчи Р.Р.нинг фойдасига ҳамда қарздор Д.Т.дан ундирувчи И.Дларнинг фойдасига алимент ундириш белгиланган. Бўлим давлат ижрочилари томонидан мазкур оилаларнинг бутлигини сақлаб қолиш мақсадида, тарафлар билан тушунтириш ишлари олиб бориб, мазкур оилаларнинг яраштирилишига эришилди.
