Мажбурий ижро бюроси Чимбой тумани бўлими иш юритувига Чимбой туманлараро фуқаролик ишлари бўйича судининг ижро ҳужжатига асосан, жавобгар туман ҳудудидаги тижорат банкларининг бирига, даъвогар фуқаро Г.Ш.ни 05.05.2021 йилдан ўз лавозимига ишга қайта тиклаш ва бош юрган кунлари учун 12 млн. 887,7 минг сўм иш ҳақисини ундириб бериш ҳақидаги ижро ҳужжати бўлим иш юритувига келиб тушган.
Мажбурий ижро ҳаракатлари давомида, тегишли тартибда ижро иши қўзғатилиб, томонларга таништирилган ва жавобгар банк филиалига суд қарори талабларини бажарилишини таъминлаш учун талабнома юборилган.
Лекин, мазкур тоифадаги ижро ҳужжатларининг ижроси дарҳол таъминланиши шартлигига қарамасдан, банк томонидан ижроси таъминланмаган.
Шу сабабли, давлат ижрочиси томонидан банк бошқарувчисига Ўзбекистон Республикаси Маъмурий жавобгарлик тўғрисидаги Кодексининг тегишли моддаси билан базавий ҳисоблаш миқдорининг 15 баравари миқдорида жарима қўлланилган.
Шундан сўнг, олиб борилган мажбурий ижро ҳаракатлари натижасида, банк бошқарувчисининг 04.10.2021 йилги буйруғи билан Г.Ш. ўз лавозимига тикланди ва унга ундирилиши белгиланган иш ҳақи тўлиқ ундирилиб берилди.
Мазкур ижро ҳужжати эса, бажарилиши амалда таъминланганлиги боис тегишли тартибда тамомланди.