Болгария бош вазири Кирилл Петков фуқаролар томонидан унчалик қўллаб-қувватланмаётганига қарамай, ҳукуматнинг еврони жорий этиш мажбуриятини тасдиқлади.
Бош вазирни сўзларига кўра, мамлакатда евро икки йилдан сўнг муомалага киритилиши мумкин.
«Болгария левидан еврога ўтиш эҳтиёткорлик билан амалга оширилиши керак. Бунинг учун жамоатчиликни кенг миқёсда хабардор қилиш лозим, чунки илгари ушбу мавзу бўйича мулоқотлар унчалик ижобий кечмаган», — деди Петков.
Унинг тушунтиришича, Болгария ҳукумати Европа Иттифоқидаги бойроқ ҳукуматлар билан ўртадаги иқтисодий тафовутни қисқартириш мақсадида мамлакатда минтақадаги давлатларнинг кўпчилиги учун умумий бўлган валютани жорий қилмоқчи.
Эуробарометер томонидан июль ойида ўтказилган сўровда болгарларнинг ярмига яқини евронинг киритилиши салбий оқибатларга олиб келади, дея фикр билдирган. Сўров натижаларига кўра, иштирокчиларнинг тўртдан уч қисмидан кўпроғи еврога ўтишда нотўғри нарх белгиланишидан хавотирда.
Болгарияда 1997 йилда банк ва гиперинфляция инқирози тугаганидан сўнг валюта кенгаши амал қилмоқда. Ўша пайтда кредиторларнинг учдан бир қисми инқирозга учраган, инфляция 1000 фоиздан ошиб, кўплаб дўконлар миллий валютадан воз кечганидан кейин одамлар товарларни захиралай бошлаган.
Korrespondent.net
