Жаҳон чемпионати Осиё минтақаси учинчи саралаш босқичидан ўрин олган Саудия Арабистони - Япония баҳси якунига етди ва унда саудияликлар 1:0 ҳисобида рақибдан устун келди. Учрашувнинг 72-дақиқасида Фирас Ал-Бурайкан гол уриб, жамоасига муҳим ғалабани келтирди. Ушбу натижадан сўнг Саудия 9 очко тўплаган ҳолда Австралияга етиб олди. "Кун чиқар юрт" вакиллари ҳисобида 3-турдан кейин 1 ғалаба ва 2 мағлубият бор ва улар учинчи ўрнда жойлашган. Эслатиб ўтамиз, "саҳро лочинлари" 2-саралаш босқичида Ўзбистонни 3:0 ҳисобида мағлуб этганди. Мазкур ўйиндан сўнг ҳамюртларимиз кейинги босқич йўлланмасидан қуруқ қолган эди.