Ўзбекистонда пухта олиб борилаётган солиқ сиёсати барқарор иқтисодий ўсиш суратларини таъминлаш, иқтисодиётни модернизациялаш орқали мамлакатнинг гуллаб яшнаши ва аҳоли турмуш фаровонлигини янада юксалтиришда энг муҳим омиллардан бири бўлиб хизмат қилаётир. Мажбурий ижро бюроси Навоий вилояти бошқармаси ва унинг ҳудудий бўлимлари томонидан ижро ҳужжатлари бўйича давлат бюджетига солиқ қарздорлигини амалда ундириш юзасидан солиқ органлари билан ҳамкорлик йўлга қўйилган бўлиб, 2021 йилнинг сентябрь ойида 14,6 млрд. сўм солиқ қарздорлиги амалда ундирилиши таъминланди. Мисол учун сентябрь ойнинг ўзида йирик қарздорликлар бўйича “Navoiy hududiy elektr tarmoqlari korxonasi” АЖдан 6,5 млрд. сўм солиқ қарзи ундирилди. Бундай назорат тадбирлари тизимли равишда амалга оширилмоқда.
