Жозе Моуриньо “Рома” раҳбарияти билан бир трансфер бўйича келиша олмай қолди. Италия терма жамоаси сафида Европа чемпиони бўлган ҳимоячи Аллесандро Флоренцини португалиялик мураббий ўз жамоасида олиб қолмоқчи. Клуб хўжайинлари эса, истеъдодли футболчини трансферга қўйиб юборган. Уларнинг бу ҳаракатидан Моуриньо норози бўлмоқда. Флоренцига “Фиорентина”, “Севилья” ва “Лион” харидор бўлган эди. Бироқ, ҳимоячи кучлироқ клубда тўп тепиш мақсадида уларнинг таклифини рад этди. Айни пайтда “Милан” Аллесандрони ижарага олмоқчи ва футболчининг ўзига ҳам шу вариант маъқул келмоқда. Бу ҳимоячи ўтган мавсумни ҳам ижарада ўтказган эди. У ПСЖ таркибида 36 та учрашувда қатнашиб, бир жуфт гол ва битта голли пас муаллифи бўлган.
