Фото: ЎФА Футбол бўйича Ўзбекистон U-22 терма жамоаси Туркия бўлиб ўтаётган халқаро мусобақанинг 3-тури доирасида 29 март, душанба куни Қозоғистонга қарши баҳс олиб борди. Иккинчи бўлим дебютида Шоҳруҳ Абдураҳмонов ўзбекистонликларни олдинга олиб чиққан бўлса, иккинчи бўлимга қўшиб берилган вақтда Камрон Саидазимов якуний ҳисобни ўрнатди. Равшан Ҳайдаров қўл остидаги Словакияга қарши ўйиндаги мағлубият (0:2) ва Украина билан бўлган дурангдан (1:1) кейин мусобақадаги дастлабки ғалабани қўлга киритди. «Antalya Cup—2021» 3-тур баҳси Ўзбекистон U-22 — Қозоғистон U-22 2:0 Голлар: 1:0 – 52 Абдураҳмонов, 2:0 – 90+2 Саидазимов. Ўзбекистон U-22: Умиджон Эргашев, Ҳусниддин Алиқулов, Суҳроб Иззатов, Шоҳмалик Комилов, Маҳмуджон Қудратуллаев, Расул Йўлдошев, Бек Абдуллаев, Асадбек Собиржонов, Абдуғани Камолов, Шаҳзод Азмиддинов, Дониёр Абдуманнопов. Захирадан майдонга тушганлар: Жасур Жалолиддинов, Шоҳруҳ Абдураҳмонов, Акмал Мозговой, Комрон Саидазимов, Дилшод Комилов, Иброҳим Йўлдошев.
