Беларусь прокуратураси мухолифат етакчиси Светлана Тихановскаяни терроризмда гумон қилиб, унга қарши тергов бошлади. Бу ҳақда 29 март куни Бош прокурор Андрей Швед маълум қилди.
Ўтган йилнинг августида бўлиб ўтган мунозарали сайловлар ортидан Беларусни тарк этишга мажбур бўлган Тихановская ушбу билдирувга ҳали муносабат билдиргани йўқ.
Швед ўз баёнотида Тихановская ва бошқа бир неча шахс бундан бир неча кун олдин Минск ва бошқа шаҳарларда портловчи моддаларни ўрнатишни ва биноларга ўт қўйишни режалаштирганини иддао қилди.
Беларусда мунозарали сайлов ортидан мамлакат бўйлаб бошланиб кетган норозилик намойишлари ҳануз давом этмоқда. Авторитар президент Александр Лукашенко ҳукумати журналистлар ва инсон ҳуқуқлари фаолларига тазйиқни кучайтириб, бугунга қадар қарийб 30 минг намойишчини ҳибсга олди.
Ҳукуматнинг репрессив чораларига жавобан ғарб мамлакатлари юқори лавозимли амалдорларга қарши санкция жорий қилди.
Ўтган ҳафтада Тихановская белорусларни янги норозилик тўлқини бошлашга чорлаган эди. Аммо пойтахт Минскда минглаб полиция ходими сафарбар қилинди кўп сонли намойишчи ҳибсга олинди.