"Пахтакор" янги мавсум учун қизғин тайёргарликни давом эттирмоқда. Бугунги машғулотда клуб бош мураббийи Питер Хюистра сайтимиз учун интервью берди: "Футболчилар келади, кетади. Бу жараён ҳар йили такрорланади. Биз кучли футболчиларни йўқотдик, аммо энди ёш футболчиларни ривожлантиришимиз лозим. Кўрамиз, келажакда нима бўлар экан. Биз янги футболчилар қидирмоқдамиз, аммо айни дам улар ҳақида сизга маълумот бера олмайман. Биз Шота Aрвеладзе билан 3,5 йил бирга ишладик. У билан миссиямиз ўз якунига етди. Шота билан дўстмиз ва доим шундай бўлиб қолишига аминман. Унинг кейинги фаолиятига муваффақият тилайман", - деди нидерландиялик мутахассис.
