Электр кабелларининг намиқишидан келиб чиққан қисқа туташув ёнғинга сабаб бўлгани айтилмоқда.
Кеча, 27 декабрь куни ижтимоий тармоқларда Навоий шаҳри марказида вилоятнинг бош байрам арчасининг ёнаётгани акс этган видеолар тарқалди.
Ёнғинни ўчиришда иккита ёнғин отряди, иккита ёнғин ўчириш автомобили ва битта ёнғин қутқарув техникаси жалб қилинган.
Ёнғин соат 19:21 да тўлиқ қуршаб олинган ва ўчирилган.
Дастлабки таҳлилларга кўра, ёнғинга ёмғир ёғиши натижасида электр кабелларига нам ўтиши ва бунинг оқибатида қисқа туташув келиб чиққанлиги сабаб бўлган.
Ҳолат юзасидан ўрганиш ишлари олиб борилмоқда.
Эслатиб ўтамиз, аввалроқ Фарғонада ҳам безатилган Янги йил арчаси ёниб кетганди.
