Босния ва Герцеговинанинг шимоли-ғарбий қисмида жойлашган муҳожирларни вақтинча қабул қилиш маркази – «Липа» лагерида чоршанба куни катта ёнғин содир бўлди. Ушбу муассаса яшаш шароити ва имконияти у ерда истиқомат қилувчилар сонига тўғри келмагани сабабли ҳуқуқни ҳимоя қилувчи ташкилотлар томонидан қаттиқ танқид қилинган эди.
Чодирлардан кўтарилаётган қалин қора тутун аҳолини қочиб жон сақлашга мажбур қилди. Ёнғин бензин ва бензогенераторлар бўлган жойда бошланган.
«Липа» лагери Хорватия чегараси яқинида, Бихача шаҳридан 25 километр узоқликда жойлашган. У ерда 1200 муҳожир истиқомат қилаётган эди.
