Фото: Twitter «Барселона» бош мураббийи Рональд Куман яна бир бор тиғиз тақвимни танқид остига олди. - "Ҳали ҳам бизнинг тақвимни ақл бовар қилмас деб ҳисоблайман. Агар Суперкубок ярим финалида ғалаба қозонадиган бўлсак, у ҳолда яна битта ўйин ўтказишимизга тўғри келади. Сафардаги ўйинлар жуда кўпайиб кетди. Биз ўйинчиларни ўлдиряпмиз. Менга ўйиндан ўйинга ривожланиб бориш ёқади, бироқ бу ерда парвозлар ҳақида ҳам ўйлаш зарур, биз ўйинлардан жуда кеч қайтяпмиз... Бу масалани муҳокама қилиш ва мана шундай тиғиз тақвим вақтида қандай чора кўриш ҳақида ўйлашимиз керак", - Рональд Куман. Каталон клуби 19 декабрь куни Ла Лига доирасида «Валенсия»га қарши баҳс юритади. «Камп Ноу»даги баҳс Тошкент вақти билан 20:15 да бошланади. Эслатиб ўтамиз, жамоа Испания Суперкубоги ярим финали доирасида 13 январь куни «Реал Сосьедад»га қарши баҳс олиб боради. Агар Куман шогирдлари ундан муваффақиятли ўта олса, 17 январь куни финал учрашувида иштирок этади.
