Коронавирус туфайли қўшни Хитойда талаб кучайгани боис Қозоғистон тиббиёт ниқоблари экспортини тақиқлади.
Хитой билан чегарадош Қозоғистонда ҳали вирусга чалиниш ҳодисаси қайд қилинган эмас. Бироқ Хитойдан Қозоғистонга олиб келинган ўнлаб одам карантинда тутиб турилибди.
“Биз ниқоб ишлаб чиқарувчи ва сотувчилар ўзларини ғайриахлоқий тарзда тутаётганларини қайд этиб ўтишни истардик. Улар заҳирадаги ниқобларни Хитойга сотган, шу сабабли ҳукумат экспортга тақиқ қўйди”, деди 6 февраль куни Қозоғистон Соғлиқни сақлаш вазирлигининг матбуот котиби Диас Ахметшарип.
Унга кўра, ҳукумат талаб кучайгани боис эҳтиёжни қондириш мақсадида мамлакатга ниқоб олиб келиниши борасида иш олиб бормоқда.
Сўнгги маълумотларга кўра, Хитойнинг Ухан шаҳрида қайд этилган вирусдан ўлганлар сони 636 кишига етган, вирусни юқтириб олганлар сони эса биргина Хитойда 31 минг нафардан ошиб кетган.