Rusiye Adliye nazirligi "İskencelerge qarşı komitetni" üçünci kere "çetel agentler" siciline kirsetti. Bunıñ aqqında müessiseniñ saytında haber etile. Söz, qaydiyetten keçmegen "çetel agent" kibi tanılğan cemaat birleşmeleriniñ kirsetilgeni sicil aqqındadır.
2015 senesi yanvar ayında Rusiye Federatsiyasınıñ Adliye nazirligi "İskencelerge qarşı komiteti" regional cemaat teşkilâtını "çetel agentler" siciline kirsetken edi. Bundan sebep teşkilât lâğu etildi ve onıñ yerine "İskencelerniñ qarşısınıñ alınması komiteti" teşkil etildi. Amma 2006 senesi yanvar ayında RF Adliye nazirliig bu teşkilâtnı da "çetel agent" kibi ilân etti. O da lâğu etildi. Bunda soñ "İskencelerge qarşı komitet" Rusiyede uquqiy şahıs yaratmadan faaliyet kösterdi.
Rusiyede "çetel agentler" aqqında qanun 2012 senesi peyda oldı. Qanun Rusiye Federatsiyasınıñ Adliye nazirligine ticariy olmağan teşkilâtlarnı çetelden maliye alğan ve "siyasiy faaliyet" ile meşğul olğan alda "çetel agentler" kibi tanımağa ruhset berdi. Bu kibi faaliyetni belgilegen kriteriyler qanunda yazılmağan. Bundan sebep Rusiye akimiyeti medeniyet, sağlıq, ekologiya, insan aqaları saasında çalışqan teşkilâtlarnı taqip ete bile.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
