Tuğra leyhasınıñ yañı yayını toy merasimi olğan nikâh mevzusına bağışlana. Bu musulman merasimidir. «Nikâh» sözü arapçadan kele. İslâm dini Qırımğa kelgeninen nikâh qırımtatar toy ananelerine qoşuldı. Nikâh çift arasında belli şartları olğan evlilik añlaşması kibi bir şey. Birinci ve eñ müim şartı – eki tarafnıñ razılığıdır. İslâm ananelerine köre, kimseniñ qıznı razılığı olmasa aqayğa bermek ya da oğlunı razılıqsız evlendirmek aqqı yoq. (Video ilk sefer 2018 senesi iyülniñ 27-nde derc etilgen edi)