ABŞ-nyň öňki prezidenti, Nobel baýragynyň eýesi, döwlet ýolbaşçylygy 444 günlük Eýran zamun krizisine gabat gelen Jimmi Karter, iki ýyla golaý wagt bäri hassahanada bejergi alanyndan soň, 100 ýaşynda aradan çykdy.
"Birleşen Ştatlaryň 39-njy prezidenti, 2002-nji ýylda Parahatçylyk boýunça Nobel baýragyna mynasyp bolan Jimmi Karter 29-njy dekabrda, bazar güni, Jorjia ştatynda, Pleýnsdäki öýünde, maşgala agzalarynyň gurşawynda, rahat ýagdaýda aradan çykdy" diýip,merhumyň dogduk mekany Jorjia ştatynda ýerleşýän Kerter merkeziniň beýanatynda aýdylýar.
ABŞ-nyň prezidenti Jo Baýden "Amerika we dünýä adatdan daşary lideri, döwlet işgärini we ynsanperwerligi ýitirdi" diýdi.
Baýden 9-njy ýanwary, Karteriň Waşington okrugynda jaýlanjak gününi matam güni hökmünde yglan etdi.
