Türkmenistanyň prezidenti Serdar Berdimuhamedowyň täze, üçünji kitaby çapdan çykdy.
Döwlet baştutany 27-nji dekabrda, Ministrler kabinetiniň we Döwlet howpsuzlyk geňeşiniň giňişleýin mejlisiniň dowamynda “Magtymguly – dünýäniň akyldary” atly täze kitabyny ýazyp tamamlandygyny aýtdy.
Täze neşir beýik şahyryň edebi mirasyna, onuň dünýä medeniýetine goşan goşandyna hem-de Magtymguly Pyragynyň ýubileý senesiniň bellenilen ýylynda geçirilen çärelere bagyşlanypdyr.
Kitapda diňe bir şahyr barada däl, eýsem, Türkmenistanyň ýeten sepgitleri we üstünlikleri barada hem gürrüň berilýär diýip, habarda bellenýär.
