Tähran uniwersitetiniň talyplary hökümete garşy tolgunyşyklaryň arasynda çykyş etmäge baran prezident Ebrahim Raisiniň çykyşyny protest etmäge synanyşanlarynda howpsuzlyk güýçleri tarapyndan ýenjilendiklerini aýdýarlar. Bir ýaş zenan sentýabrda baş örtgüsini “nädogry” geýendigi üçin saklanyp, polisiýanyň tussaghanasynda aradan çykaly bäri, Eýran hökümete garşy protestler bilen sarsylýar.
Talyplaryň Birleşik geňeşiniň Telegram kanaly 7-nji dekabrda howpsuzlyk güýçleriniň hüjüminde birnäçe talybyň ýaralanandygyny we gan dökünlendigini aýtdy.
Eýranda 7-nji dekabr Talyplar güni bolup, onuň dowamynda köpsanly uniwersitetlerde demonstrasiýalar guramalaşdyrylýar we talyplar demokratiki talaplaryny öňe sürýärler.
