Eýranda bir bank dolandyryjysy baş örtgüsi bolmadyk zenana hyzmat hödürläni üçin işinden boşadyldy. Bu barada ýerli media 27-nji noýabrda habar berdi.
Bu aralykda, yslam respublikasynda mejbury baş örtgülere garşy demonstrasiýalar barha möwjeýär.
Eýranda protestler sentýabr aýynda aýal-gyzlaryň hukuklaryny goraýjy 22 ýaşly Mahsa Amininiň polisiýada urlup, öldürilenden soň başlandy. Bir hepdede protestler tutuş ýurda, paýtagt Tährany öz içine alýan otuzdan gowrak şähere ýaýrady.
Mehr habar agentligi Tähranyň golaýyndaky Kom welaýatynda bir bank işgäriniň baş örtgüsiz bir aýala “bank hyzmatlary bilen üpjün edendigini” aýtdy.
“Munuň netijesinde ol häkim tarapyndan wezipesinden boşadyldy” diýip habarda bellenilýär.
