Eýranyň walýutasynyň hümmeti, ýurtda birnäçe hepde bäri dowam edýän tolgunyşyklaryň arasynda, 1-nji noýabrda dollara garşy iň pes derejesine düşdi.
Tähranda söwdagärler 1 dollara 338,000 rial derejesinde nyrh kesýärler. Bir gün öň 1 dollaryň bahasy 332,200 real bolupdy.
Rialyň täze derejesi 22 ýaşly Mahsa Amininiň 16-njy sentýabrda ýurduň ahlak polisiýasynyň gözegçiliginde aradan çykmagy netijesinde ýüze çykan halk protestleriniň arasyna gabat geldi.
Amini, hamala, Yslam respublikasynyň aýallar üçin girizen berk geýim düzgünini bozandygy üçin tussag edildi.
Garyndaşlary onuň tussaglykda gazaply ýenjilip, huşuna gelmän, hassahanada ölendigini aýdýarlar. häkimiýetler muny ret edýär.
