110 Vest har fått melding om ei trafikkulykke i Vetlebotntunnelen i Aurland, på fylkesveg 50, der tre bilar er involverte. Det skal ikkje vere alvorlege personskadar på nokon. Naudetatar er på veg til staden. Politiet opplyser at nokon skal ha fått sleng og køyrd inn i kvarandre. Det er ikkje klart kor mange som har vore involverte i ulykka. Det er no noko dirigering på staden, og trafikken flyt sakte forbi.
