Tre personar gripne i Storbritannia for spionasje

Tre menn er gripne i London og Wales for å ha spionert for Kina, melder Reuters.

Fleire medium skriv at ein av dei tre er partnar til ein folkevald Labour-politikar.

Dersom det blir bevist at Kina har prøvd å blande seg inn i britiske forhold, vil det få alvorlege følger, sa tryggingsminister Dan Jarvis i Underhuset.

Han sa at det verkar som om verksemda er retta mot det britiske demokratiet, og at regjeringa har skjerpa tiltaka som skal sikre britiske institusjonar mot å bli utnytta av utanlandske krefter.