Go-Ahead: Full drift på Sørlandsbanen tidlegast i veke 10
Go-Ahead estimerer at dei tidlegast kan køyre alle avgangar på Sørlandsbanen i veke 10.
– Fordi dette er avhengig av at delar kjem til verkstaden vår innan estimert tid, og at reparasjonar kan gjennomførast etter plan, er dette førebels berre eit estimat, opplyser Go-Ahead.
Veke 10 startar frå og med 2. mars.
Gamle togsett og stort vedlikehaldsetterslep har ført til fleire innstillingar på Sørlandsbanen. Selskapet har nå tatt grep, og har tatt ein stor del av toga inn til reparasjon.
Dette har likevel ført ein periode med endå mindre kapasitet, og fleire innstillingar.
Alle toga av type 73 har blitt kalla inn til reparasjon. No er berre fire av åtte togsett i drift. Det betyr 6–7 innstilte avgangar dagleg, av 18 totalt.